2011 онд Хуулийн этгээдийн улсын бүртгэлийн тухай хуульд нэмэлт, өөрчлөлт орсноор хуулийн этгээдийн улсын бүртгэлд бүртгүүлэх өргөдөлд зурсан гарын үсгийн хэв маягыг нотариатаар гэрчлүүлж байх тухай хуулийн заалт хүчингүй болсон.

Ингэснээр иргэд хуулийн этгээдийн улсын бүртгэлд бүртгүүлэхээр гаргасан өргөдлөө нийслэлд Улсын бүртгэлийн ерөнхий газрын харъяа Хуулийн этгээдийн бүртгэлийн газарт, орон нутагт аймгийн Улсын бүртгэлийн хэлтэст шууд гарган үйлчлүүлэх боломжтой болж байгаа юм. Энэ нь хуулийн этгээдийн улсын бүртгэлийн ажиллагааг иргэдэд чирэгдэл багатай, шуурхай хүргэх нөхцөл бүрдэх улмаар тэдний цаг зав, санхүүг хэмнэж байгаагаараа чухал ач холбогдолтой.