Мэргэжлийн хяналтын ерөнхий газрын даргын зөвлөлийн хурал өнөөдөр боллоо. Тус хурлаар Улсын бүртгэлийн ерөнхий газар түүний харъяа аймаг, нийслэл, дүүрэг дэх газар, хэлтэс, салбаруудын санхүүгийн үйл ажиллагаанд хийсэн хяналт шалгалтын дүнг холбогдох чиглэлийн хяналтын газруудын дарга нар танилцуулав.

Мөн хурлаар Улсын комиссоор хүлээж аваагүй ашиглаж байгаа барилга, газрын тосны бүтээгдэхүүний зарим агуулах, шатахуун түгээх станцын үйл ажиллагаанд хийсэн хяналт шалгалт, Газрын тосны газарт хийсэн хяналт шалгалт, Геодизи, зураг зүйн үйлдвэрлэл, үйлчилгээ эрхлэх эрх, тусгай зөвшөөрөл авсан иргэн аж ахуйн нэгж байгуууллагын тусгай зөвшөөрлийн нөхцөл, шаардлагын биелэлтэд хийсэн шалгалтын дүн хэлэлцэх юм байна. Дээрх томоохон хяналт шалгалтын дүнг МХЕГ-ын даргын зөвлөл хэлэлцсэний дараа шийдвэрийг гаргаж холбогдох агентлагын дарга нарт шалгалтын дүнтэй холбогдуулан чиглэл хүргүүлэхээр болсон юм.