Тус газраас Монгол Улсад бүртгэлийн байгууллага үүсэн байгуулагдсаны 70 жилийн ойд зориулж хууль, эрх зүйн чиглэлээр суралцдаг их дээд сургуулийн оюутнуудын дунд шилдэг илтгэлийн уралдааныг зарласан билээ.

Уралдаанд иргэн, эд хөрөнгө, хуулийн этгээдийн бүртгэлийн чиглэлээр 20 гаруй оюутан илтгэл бичиж ирүүлснээс Монгол Улсын Их сургуулийн Хууль зүйн сургуулийн V дамжааны оюутан М.Мөнхжаргалын «Албан татварын бодлого ба эд хөрөнгийн эрхийн улсын бүртгэлийн харилцан хамаарлын асуудалд» сэдвээр бичсэн илтгэл тэргүүн байр, Шихихутаг дээд сургуулийн IV дамжааны оюутан Ц.Амарсанаагийн «Гадаадын иргэнд хүүхэд үрчлэх, түүний эрх зүйн шинэчлэлийн зарим асуудал» илтгэл 2 дугаар байр, Монгол Улсын Их сургуулийн Хууль зүйн сургуулийн IV дамжааны оюутан Д.Ренчиндоржийн «Гэрлэлтийн бүртгэл-төрөөс гэр бүлийн ашиг сонирхлыг хамгаалах нөхцөл болох нь» илтгэл 3 дугаар байр, Шихихутаг дээд сургуулийн IV дамжааны оюутан Г.Чинбатын «Хуулийн этгээдийн улсын бүртгэлийн тухай хууль тогтоомжийн хэрэгжилт, түүний эрх зүйн зохицуулалтыг боловсронгуй болгох нь» илтгэл тусгай байр эзэлж, өргөмжлөл мөнгөн шагналаар тус тус шагнагдлаа. Илтгэлийн уралдаанд идэвхтэй оролцсон нийт оюутнуудад сурлагын өндөр амжилтыг хүсэн ерөөе.