Монгол Улсын иргэний шинэчилсэн бүртгэлийн ажил төлөвлөсний дагуу үр дүнтэй явагдаж байна. Өнөөдрийн байдлаар улсын хэмжээнд иргэний шинэчилсэн бүртгэлд насанд хүрсэн 1342255 иргэн хамрагдсан нь нийт бүртгэгдвэл зохих насанд хүрсэн иргэний 72 хувь нь юм.

Үүнээс нийслэлд 551460 иргэн буюу 68.6 хувь, орон нутагт 790795 иргэн буюу 72.3 хувь нь бүртгэлд хамрагдаад байна. Үүнээс гадна Улсын хэмжээнд иргэний шинэчилсэн бүртгэлд насанд хүрээгүй 448707 хүүхдийг хамруулсан нь нийт бүртгэгдвэл зохих хүүхдийн 56 хувь нь хамрагдсан байна. Шинэчилсэн бүртгэлд Дундговь аймаг 87.9, Дорноговь аймаг 83, Булган аймаг 82.2, Говьсүмбэр аймаг 80.6, Говь-Алтай 74.8, Сүхбаатар 79.5, нийслэлийн Багануур дүүрэг 88.3, Багахангай дүүрэг 80.4, Чингэлтэй дүүрэг 78.3 хувьтайгаар иргэдээ хамруулснаар тэргүүлж бүртгэлийн ажил сайн явагдаж байна. Тус газар Иргэний шинэчилсэн бүртгэлд бүртгэгдсэн иргэдийн нэрийн жагсаалтын мэдээллийг Хөдөлмөр, халамжийн үйлчилгээний газарт хүлээлгэн өгөх ажлыг 9 удаа зохион байгуулж, одоогийн байдлаар нийт 58 мянга гаруй иргэний мэдээллийг хүргүүлээд байна.