24 цагаар ажиллаж эхэллээ

Шинэчилсэн бүртгэлийн ажил эхэлсэнтэй холбоотойгоор Улсын бүртгэлийн ерөнхий газрын Иргэний баримтын архивын ачаалал өнөөдрийн байдлаар 5 дахин ихсээд байгаа билээ.

Иймд ачаалал ихэссэнтэй холбогдуулж тус газар боломж бололцоогоороо хүн хүчээ нэмэгдүүлэн, архивын үйлчилгээний цонхны тоог нэмэгдүүлж 16 болгон, иргэдэд үзүүлэх үйлчилгээний шат дамжлагыг багасгах зорилгоор өглөөний 8.00-22.00 цаг хүртгэл уртасгасан цагаар ажиллахын зэрэгцээ нийт 40-50 орчим гэрээт ажилтан нэмж авч, үйлчилгээний цонхны ажилтан тус бүрт 2 хүн нэмж ажилуулах, түүнчлэн үйлчилгээний ачааллыг тэнцвэржүүлэх зорилгоор дугаар болон төрсний бүртгэлийн лавлагааны мэдүүлгийн хуудас зэргийг тарааж өгөх зэрэг арга хэмжээ авсан билээ. Гэсэн хэдий ч иргэдийн дугаарлах нь тасрахгүй байгаагийн дээр сүүлийн өдрүүдэд шөнийн цагаар хонож дугаарлан өглөө эртлэн ирсэн хүмүүст түүнийгээ борлуулдаг хэсэг бүлэг хүмүүс гарч ирсэн байна. Тиймээс уг байдлыг таслан зогсоох, өдрийн их ачааллыг бууруулах зорилгоор өнөөдрөөс эхлэн 2 ээлжээр 24 цагаар ажиллаж эхэллээ. Үүнтэй холбогдуулан нийслэл, дүүргийн холбогдох албадаас 18-20 хүнийг татаж ажиллуулахаар болоод байна. Энэхүү зохион байгуулалтын ажлыг ерөнхийдөө 10 дугаар сарын 31-нийг хүртэл 24 цагаар архивын үйлчилгээг иргэдэд тасралтгүй хүргэхээр төлөвлөөд байна.

Please publish modules in offcanvas position.