Монгол Улсад бүртгэлийн байгууллага үүсэж хөгжсөний 70 жилийн ойг угтан иргэдэд бүртгэлийн үйлчилгээг нэг дороос цогц байдлаар “Нэг цэгийн үйлчилгээ”-гээр үзүүлэх, бүртгэлийн үйлчилгээг сурталчилах иргэдэд бүртгэлийн чиглэлээр үнэн зөв мэдээлэл олгох зорилгоор Чингэлтэй дүүргийн Засаг даргын Тамгын газрын Бүртгэл, мэдээллийн тасаг өнөөдөр “Нэг цэгийн үйлчилгээ”-г тус газарт зохион байгуулж явуулав.

Энэхүү арга хэмжээнд Чингэлтэй дүүргийн бүртгэлийн 25 ажилтан Иргэний баримтын архивт ажиллаж, архиваар үйлчлүүлсэн иргэдэд дүүрэг харгалзахгүй бүртгэлийн бүхий л төрлийн үйлчилгээг үзүүлж ажиллав. Өөрөөр хэлбэл дүүрэг хороодод бичиж олгодог иргэний гэр бүлийн 8-н төрлийн гэрчилгээг лавлагааг нь үндэслэн газар дээр нь шуурхай бичиж олгов.Тухайлбал: төрсний, гэрлэлтийн, нас баралтын зэрэг гэрчилгээнүүдийг бичиж олгосон юм. Мөн иргэний гэр бүлийн байдлын , иргэний үнэмлэх бүртгэлийн, шилжилт хөдөлгөөний бүртгэлээр лавлагаа, мэдээлэл, баримт бичигтэй холбоотой бүхий л асуудлаар заавар зөвлөгөө өгч иргэдийн дунд санал асуулга явуулах зэрэг ажлуудыг зохион явууллаа.