Бүртгэлийн үйлчилгээг боловсронгуй болгох зорилгоор Олон улсын бүртгэлийн байгууллагуудтай хамтран ажиллаж байна

Тус газар нь бүртгэлийн үйлчилгээг улам боловсронгуй болгож, иргэдэд чанартай хүртгээмжтэй, цахимд суурилсан үйлчилгээг бий болгох зорилгоор олон улсын бүртгэлийн байгууллагуудтай туршлага солилцон хамтран ажиллаж эхлээд байгаа билээ.

Тухайлбал: Компанийн бүртгэлийн холбоо олон улсын байгууллага /CRF/-д шинээр гишүүнээр 2010 оны 1 сард элссэн бөгөөд уг холбоо нь Австрали, Канад, Шинэ-Зеланд, Энэтхэг зэрэг мэдээллийн технологи өндөр хөгжсөн 40 гаруй орныг эгнээндээ нэгтгэсэн олон улсын томоохон байгууллага юм. Тус холбооны гишүүн болсноор олон улсын мэргэжлийн бүртгэлийн сүлжээнд холбогдох, холбооноос зохион байгуулж байгаа төсөл хөтөлбөр, арга хэмжээнд хамрагдах, бусад улсын бүртгэлийн байгууллагуудтай холбоо тогтоох боломжийг олгож байгаа юм. Цаашид Олон улсын Азийн сантай бүртгэлийн эрх зүйн орчныг боловсронгуй болгох, төрийн байгууллагуудаас хувийн хэвшил, иргэдэд үзүүлэх үйлчилгээ, бүртгэлийн системийг нэг цонх, нэг цахим үйлчилгээнд шилжүүлэх ажлыг эхлүүлэх, хуулийн этгээдийн программыг шинэчлэх, техник программ хангамжийг сайжруулах чиглэлээр хамтран ажиллах, АНУ-ын Мянганы сорилтын сангийн Хөрөнгийн эрхийн төслийн хүрээнд үл хөдлөх эд хөрөнгийн чиглэлээр хууль эрх зүйн орчныг сайжруулах, менежментийг бий болгох, үйлчилгээний орчинг сайжруулах, үйлчилгээний нээлттэй байдлыг бий болгох зэрэг таатай орчинг бий болгохоор зорьж байна.

Please publish modules in offcanvas position.