Бүртгэлийн нэгдсэн лавлах 1890 утас, 1890 онлайн лавлах өдөр бүр иргэдэд нээлттэй ажиллаж, хүссэн мэдээллийг нь шуурхай өгдөг. Тус лавлахуудаар өдөрт дунджаар 200-250 хүн холбогддог бөгөөд иргэд ихэвчлэн ямар асуудлаар хандаж буйг Улсын бүртгэлийн ерөнхий газрын лавлах утасны оператор Ж.Саруулзаяаас лавлахад “Өнөөдрийн байдлаар нийтдээ 200 гаруй иргэний санал хүсэлтэд хариуллаа.

Үүний 200 орчим хүн нь утсаар, 30 гаруй нь онлайнаар холбогдож бүртгэлтэй холбогдолтой бүх төрлийн асуудлаар өөрт хэрэгтэй мэдээлэлдээ хариулт авсан. Иргэний шинэчилсэн бүртгэл эхэлсэнтэй холбоотойгоор иргэд ихэвчлэн хаана, яаж бүртгүүлэх, архивын лавлагаа авахад ямар бичиг баримт хэрэгтэй талаар асуулт олон байсан. Түүнчлэн шинэчилсэн бүртгэлдээ бүртгүүлчихсэн нэр нь халамжийн газарт очсон эсэх талаар асууж байгаа иргэд дийлэнхи хувийг эзэлж байна” гэлээ.