Лавлагаа авах иргэд мэдээллээ үнэн зөв хэлэх хэрэгтэй

Төрсний гэрчилгээний лавлагаа авахаар ирж буй иргэд маань манайхаас тарааж буй төрсний бүртгэлийн лавлагааны мэдүүлгийн хуудсыг үнэн зөв бөглөх хэрэгтэй байна.

Иймд лавлагаа авах гэж буй иргэн овог нэр, регистрийн дугаар, төрсний гэрчилгээ авсан газраа, төрүүлсэн эхийнхээ овог нэрийг баттай мэдэж ирэх шаардлагатай. Эдгээр мэдээллийг иргэд бүрэн гүйцэд мэдэхгүйгээс мөн буруу хэлснээс болж тухайн иргэний лавлагаа гарахгүй удах явдал гарч байгаа юм. Тухайлбал төрүүлсэн эхийнхээ овог нэрийг хэлэхгүй үрчлэгдсэн эхийнхээ овог нэрийг хэлэх, мөн төрсний гэрчилгээ авсан газраа хэлэхгүй төрсөн газраа хэлэх жишээтэй. Энэ мэтээр буруу зөрүү мэдээлэл өгвөл таны лавлагаа гарахгүй гэдгийг маш сайн анхаарах хэрэгтэй байна.

Please publish modules in offcanvas position.