Иргэний шинэчилсэн бүртгэл улс орон даяар явагдаж байгаа. Хүн бүрийн хурууны хээ, цээж зураг болон шаардлагатай мэдээллийг агуулсан мэдээллийн сан бүрдүүлэх уг нэгдсэн тооллогод өнөөдрийн байдлаар 50 гаруй мянган иргэн хамрагдаад байна.

Бүртгэлийг хороо, сумдын 400 гаруй нэгж дээр 700 гаруй албан хаагчид шинэчилсэн бүртгэлийн ажлыг явуулж байна. Тэд бичиг баримтын зөрчилгүй иргэдийг эхний ээлжинд бүртгэж эхэлсэн. Харин дараагийн ээлжинд хугацаат цэргийн албан хаагчид, хорих ангид ял эдэлж байгаа хүмүүс болон хэвтрийн иргэдийг бүртгэлд хамруулах юм.Мөн гадаадад ажиллаж амьдарч байгаа иргэдийг Гадаад харилцааны яамтай хамтран бүртгэлд хамруулна. Иргэд шинэчилсэн бүртгэлд хамрагдсанаар эх орны хишгийн ээлжит мөнгөө хүртэх боломжтой.