Монгол Улсын Засгийн газрын Тэргүүн шадар сайдын 2009 оны 28 дугаар тушаалаар Засгийн газрын хэрэгжүүлэгч агентлаг УБЕГ-ын бүтэц, зохион байгуулалт, орон тоог 7 газар, 11 хэлтэстэйгээр нийслэлд Нийслэлийн бүртгэлийн газар, 21 аймагт Улсын бүртгэлийн хэлтэстэйгээр өөрчлөн зохион байгуулсан билээ.

Үүнтэй холбогдуулан тус газрын Хуулийн этгээдийн бүртгэлийн газар аймгийн улсын бүртгэлийн хэлтэс, хуулийн этгээдийн бүртгэлийн үйл ажиллагааг нэгдсэн удирдлага, аргачлал, зохион байгуулалтаар хангах зорилгоор нийслэлээс Багануур дүүрэг, 21 аймгийн хуулийн этгээдийн улсын бүртгэгчдийн сургалт, семинарыг зохион байгуулж эхлээд байна. Уг семинарт Хуулийн этгээдийн улсын бүртгэлтэй холбогдуулан албаны зарим хүмүүсийг урьж оролцуулсан юм. 2010 оны 6 дугаар сарын 3-аас эхлэн хоёр хоног үргэлжлэх уг сургалт, семинар УБЕГ-ын хэмжээнд анх удаа зохиогдож байгаагаараа онцлог бөгөөд цаашид уламжлагдан зохион байгуулагдах юм.