Улсын бүртгэлийн ерөнхий газрын орон нутгийн удирдах ажилтны зөвлөгөөн 2010 оны 2 дугаар сарын 1-ээс 3-ныг дуустал Чингис хаан зочид буудалд явагдаж байна. Уг зөвлөгөөнд УБЕГ-ын удирдлага, 21 аймгийн улсын бүртгэлийн хэлтсийн дарга, Иргэний бүртгэлийн тасгийн дарга, Нийслэлийн бүртгэлийн газрын дарга, хэлтсийн дарга, дүүргүүдийн иргэний бүртгэлийн тасгийн дарга нар нийт 70 гаруй албан хаагчид хамрагдаж байна.

Хүний хөгжил сангаас Монгол Улсын иргэнд хишиг, хувь хүртээх тухай Төр, засгийн шийдвэрийг хэрэгжүүлэхтэй холбогдсон үйл ажиллагааны нэг хэсэг нь иргэний шинэчилсэн бүртгэл явуулах явдал юм. Энэ зөвлөгөөнөөр УБЕГ 2009 оны ажлаа дүгнэж, орон нутгийн Улсын бүртгэлийн газар, хэлтэс, тасгууддаа удирдамж, чиглэл өгч, 2010 оны 10 сар гэхэд хэрэгжиж дууссан байх Иргэний шинэчилсэн бүртгэл явуулахтай холбогдсон асуудлаар зөвлөлдөх юм байна.