Улсын бүртгэлийн ерөнхий газрын Эд хөрөнгийн эрхийн бүртгэлийн газар Улаанбаатар хотын хэмжээнд 1 сая дахь үйлчлүүлэгчээ хүлээн авлаа

Улсын бүртгэлийн ерөнхий газрын Эд хөрөнгийн эрхийн бүртгэлийн газар нь 2009 оны 11 дүгээр сарын 16-ны өдөр Улаанбаатар хотын хэмжээнд 1 сая дахь үйлчлүүлэгчээ хүлээн авлаа. Иргэн Магваны Түвшинбаяр Улаанбаатар хотод Эд хөрөнгийн эрхийн бүртгэлийн газраар үйлчлүүлсэн 1 сая дахь үйлчлүүлэгч болсон байна.

Тус газар нь улсын хэмжээнд жилд дунджаар 100 мянга гаруй эд хөрөнгийн эрхийн бүртгэлийн үйлчилгээ үзүүлдэг бөгөөд энэ тоо сүүлийн жилүүдэд эрс... нэмэгдэж байна. 2008 онд эд хөрөнгийн бүртгэлийн нийт 212895 үйлчилгээ үзүүлсний 113442 нь нийслэл хотод, 99453 нь хөдөө орон нутагт байжээ.Эд хөрөнгийн эрхийн улсын бүртгэл нь 1990 оноос хойш Монгол улс нийгмийн шинэ харилцаанд орсноор үүсэж хөгжсөн төрийн цоо шинэ үйлчилгээ бөгөөд дээрх тоо нь нэг талаас манай иргэд, хуулийн этгээд хэрхэн өөрийн хууль ёсны өмчөө төрөөр хамгаалуулж, зах зээлийн эргэлтэнд оруулж байгаагийн илэрхийлэл, нөгөө талаас эд хөрөнгийн эрхийн бүртгэл нь албан ёсчлогдоогүй өмчийг албан ёсны болгож, улс орны эдийн засгийн хөгжлийг тэтгэх нэн үр дүнтэй арга зам болдог.

Please publish modules in offcanvas position.