“Онлайн лавлах 1890” 15000 гаруй иргэнд үйлчилгээ үзүүлжээ

Улсын бүртгэлийн ерөнхий газар нь төрийн үйлчилгээ болон түүний талаарх мэдээллийг иргэдэд түргэн шуурхай, хүртээмжтэй хүргэхэд гол анхаарлаа хандуулан ажиллаж байна. Үүний хүрээнд энэ оны 3 дугаар сараас Улсын бүртгэлийн лавлах 1890 дугаарыг ажиллуулж эхлээд байгаа билээ.Энэ хугацаанд өнөөдрийг хүртгэл нийт 15000 гаруй иргэнд тус газрын үйл ажиллагаа болон улсын бүртгэлийн үйлчилгээтэй холбоотой бүхий л төрлийн мэдээ, мэдээллийг өгч үйлчилсэн байна. Түүнчлэн цахимд суурилсан хэд хэдэн үйлчилгээ нэвтрүүлсэн.Үүний нэг нь өөрийн байгууллагын энэхүү вебээрээ дамжуулж “Онлайн лавлах 1890”-ыг ажиллуулж иргэдэд мессенжерээр хүссэн мэдээллийг нь шууд шуурхай өгөхийн зэрэгцээ санал хүсэлт, өргөдөл гомдлыг нь хүлээн авч асуудлыг нь зохих журмын дагуу шийдвэрлэн ажиллаж байна. Уг үйлчилгээг нэвтрүүлснээр ажил ихтэй завгүй иргэдийн ажлыг хөнгөвчилсөн үр дүнтэй үйлчилгээ болж чадсан. Онлайн лавлахыг 7 дугаар сараас үйлчилгээндээ нэвтрүүлсэн бөгөөд энэ хугацаанд 600 гаруй иргэнд хэрэгцээтэй хүссэн мэдээллийг нь өгч үйлчилжээ.

Please publish modules in offcanvas position.