Тус газар Олон улсын ахмадын баярын өдрийг угтаж жил бүрийн 10 дугаар сарын эхний долоо хоногт ахмад настнуудаа хүлээн авч хүндэтгэл үзүүлдэг уламжлалтай. Үүний дагуу өнөөдөр бүртгэлийн байгууллагад олон жил үр бүтээлтэй ажиллаж байгаад өндөр настны тэтгэвэртээ гарсан 40 гаруй ахмад буурлыг хүлээн авч уулзан хүндэтгэл үзүүллээ.

Энэ жилийн хувьд бүртгэлийн 3 байгууллага нэгдсэнтэй холбоотойгоор Эд хөрөнгө, Хуулийн этгээд, Иргэний бүртгэлийн байгууллагад ажиллаж , энэ салбартаа болон хариуцсан ажилдаа зүрх сэтгэлээ зориулж, улмаар хойч үедээ ихийг өвлүүлэн үлдээж , үүнийхээ төлөө алдар нэр, гавъяа шагналд мөнхөрсөн азай буурлууд нэг дор цугласанаараа онцлогтой. Энэ үеэр ахмад буурлаад маань тэр үеийн бүртгэлийн байгууллагын үүх, түүхийн талаар сонирхолтой яриа дэлгэхийн зэрэгцээ өөр хоорондоо , залуу нас, ажил хөдөлмөрийн гараа түүнийхээ төлөө ид жавхалзаж явсан тэр л үеэ дурсацгаан халуун дотно яриа өрнүүлж, баярлаж, хөөрөлдсөөр жилд ганц тохиодог баярын өдрөө ийнхүү тэмдэглэн өнгөрүүлсэн юм.