“Мэдээллийн цаг” нээлтээ хийлээ

Тамгын газрын Сургалт сурталчилгааны төвөөс тус газрын нийт ажилтан албан хаагчдыг ажил үүргээ гүйцэтгэхэд нь тус болох мэдээ мэдээллээр хангах, мэргэжил арга зүйн заавар, зөвлөмж өгөх, харилцааны соёлыг дээшлүүлэх зорилготой “Мэдээллийн цаг”-ийг уламжлал болгон зохион явуулдаг билээ.

Тэгвэл энэ оны “Мэдээллийн цаг”-ийн нээлтээ Улсын бүртгэлийн тухай хууль батлагдан гарсантай холбогдуулан энэхүү хуульд орсон нэмэлт өөрчлөлт, цаашид нэмэгдэх зүйл заалтуудын талаар нийт албан хаагчдад мэдээлэл өгч, санал солилцох журмаар зохион байгууллаа. Энэ удаагийн мэдээллийн цагийг тус газрын Бүртгэлийн хяналтын газрын дарга Ж.Майзориг, Хуулийн этгээдийн бүртгэлийн газрын дарга Ц.Ганболд нар удирдан явуулсан юм. Ирэх 7 хоногийн “Мэдээллийн цаг”-ийг архив, албан хэрэг хөтлөлтийн улсын үзлэг явагдаж буйтай холбогдуулан “Албан хэрэг хөтлөлтийн журам, стандарт” гэсэн сэдвийн доор зохион явуулах юм. Харин дараа дараагийн “мэдээллийн цаг”-ийг байгууллагын соёл, авлигаас урьдчилан сэргийлэх үйл ажиллагаа, зөв хооллолт, УБЕГ-ын үйл ажиллагаатай холбогдон гарсан дүрэм журмын танилцуулга, харилцааны соёл, байгууллагын стандарт үйлчилгээний соёл, хэрэглээний программын аюулгүй ажиллагаа, орон сууцны зээлд хэрхэн хамрагдах тухай, хүний эрхийг дээдлэн хамгаалах, хөрөнгө орлогын мэдүүлгийг хэрхэн гаргах вэ? гэсэн сэдвүүдийн дагуу явуулахаар “Мэдээллийн цаг” сургалтын хөтөлбөр батлагдан гарсан. Тус “Мэдээллийн цаг”-ийг 7 хоног бүрийн мягмар гариг бүрийн 17.30-18.30 цагт тогтмол зохион явуулна.

Please publish modules in offcanvas position.