Монгол Улсын Засгийн газрын Тэргүүн шадар сайдын 2009 оны 28 дугаар тушаалаар Засгийн газрын хэрэгжүүлэгч агентлаг УБЕГ-ын бүтэц, зохион байгуулалт, орон тоог 7 газар, 11 хэлтэстэйгээр нийслэлд Нийслэлийн бүртгэлийн газар, 21 аймагт Улсын бүртгэлийн хэлтэстэйгээр өөрчлөн зохион байгуулсан билээ.

Үүнтэй холбогдуулан тус газрын Тамгын газрын Санхүүгийн хэлтэс, Сургалт сурталчилгааны төвтэй хамтарч өмнө нь тусдаа байсан аймаг, нийслэлийн бүртгэлийн газар, хэлтсийн санхүү, нягтлан бодох бүртгэлийн үйл ажиллагааг нэгдсэн удирдлага, аргачлал, зохион байгуулалтаар хангах зорилгоор нийслэл, 21 аймгийн нягтлан бодогчдын анхдугаар сургалт, семинарыг эхлүүлж Улаанбаатар хотноо 3 хоногийн турш амжилттай зохион байгуулж явууллаа. Сургалтаар байгууллагын санхүүгийн өнөөгийн байдал, санхүү бүртгэлийн программ, үнэт цаас, нэгдсэн сүлжээг ашиглан тайлан мэдээ ирүүлэх гэх зэрэг санхүү, нягтлан бодох бүртгэлтэй холбоотой хэд хэдэн чухал сэдвийн хүрээнд явагдсан билээ. Энэ нь тус хэлтсийн холбогдох журам, зааврыг нэг мөр болгон мөрдөн эхэлж буй энэ үед бүртгэлийн албадын санхүү, аж ахуйн үйл ажиллагааг нэгдсэн системд оруулахад ихээхэн ач холбогдол өгч буй үр дүнтэй сургалт болж байгаа юм. Нягтлан бодогч нарт тулгардаг бэрхшээлүүдийн нэг нийгмийн даатгал, хувь хүний орлогын албан татварын тухай хуулиудад гарсан нэмэлт өөрчлөлтүүд байдаг. Үүнтэй уялдуулан энэ асуудлын хүрээнд албаны зарим хүмүүсийг урьж оролцуулсан бөгөөд сургалт, семинарыг тус газрын Сургалт сурталчилгааны төв, Санхүүгийн хэлтсийн 11 албан хаагч удирдан явууллаа. УБЕГ-ын нягтлан бодогчдын анхдугаар сургалт, семинар тус газрын хэмжээнд анх удаа зохиогдож байгаагаараа онцлог бөгөөд цаашид жил бүр уламжлал болон зохион явагдах юм.