Хэрэгтэй мэдээллээ УБЕГ-ын онлайн лавлах 1890-ээс асуу

Улсын бүртгэлийн ерөнхий газрын registrationmongolia.com вэб сайт шинэчлэгдээд нэлээдгүй хугацаа өнгөрч байна. Тэгвэл энэ вэб сайтаараа дамжуулж манай байгууллага бас нэгэн шинэ үйлчилгээ нэвтрүүллээ.

Энэ нь тус газрын үйл ажиллагаа, үйлчилгээний талаарх мэдээллийг messenger-р харилцаж иргэдэд мэдээлдэг онлайн лавлах үйлчилгээ юм. Одоогийн байдлаар манай онлайн лавлахаар өдөрт 8-10 хүн тогтмол үйлчлүүлж байгаа бөгөөд medee.mn, vip76.mn зэрэг вэб сайтуудтай мэдээллээ солилцож хамтарч ажиллахаар төлөвлөж байна. Иргэд та бүхэн манай онлайн лавлахад холбогдохыг хүсвэл эхлээд өөрийнхөө “yahoo messenger” хаягийг нээсэн байх шаардлагатай. Үүний дараа та Улсын бүртгэлийн ерөнхий газрын registrationmongolia.com вэб сайтруу ороод нүүрний хэсэгт байгаа “1890 онлайн” гэсэн лавлах цонхон дээр дарахад “yahoo messenger” гэсэн цонх гарч ирнэ. Энэ цонхны “ok” гэсэн товчлуурыг дарахад “ubeg1890” гэсэн таньтай харилцаж хүссэн мэдээллийг чинь өгөх операторын хаяг гарч ирэх болно. Мөн энэ хаягаар холбогдсоноор та бүхэн манай үйлчилгээтэй холбоотой санал, хүсэлтээ операторт хэлж болох бөгөөд манай байгууллага хүсэлтийг тань шийдвэрлэж хариу илгээх болно.

Please publish modules in offcanvas position.