Бүгд Найрамдах Филиппин Улсын Липа хотноо 2019 оны Ази тивийн аварга шалгаруулах Практик буудлагын Гар бууны тэмцээн энэ оны 11 дүгээр сарын 09-нөөс 17-ны өдрүүдэд зохион байгуулагдсан билээ.

Тус тэмцээнд нийт 44 орны 1075 буудагч 6 ангилалд өрсөлдсөн ба Монгол Улсыг төлөөлж 4 баг, 13 тамирчид оролцсноос спортын дэд мастер Т.Хулан хувийн дүнгээр 2-р байрт шалгарч мөнгөн медалийн эзэн боллоо.

 Эрх зүйч мэргэжилтэй спортын дэд мастер Т.Хулан нь Улсын бүртгэлийн ерөнхий газрын Тамгын газрын Эрх зүй, гадаад харилцааны хэлтсийн мэргэжилтэн бөгөөд түүний оролцсон Production Optics ангилалд нийт 77 тамирчин өрсөлдсөн юм. Т.Хуландаа баяр хүргэж, спортын өндөр амжилт хүсье.