Хуулийн этгээдийн улсын бүртгэгч нарыг мэргэшүүлэх сургалт өнөөдөр /2019.10.06/ хоёр дахь өдрөө үргэлжилж, дараах сэдвүүдээр хичээл орлоо.
Үүнд, Хуулийн этгээдийн нэр баталгаажуулахад анхаарах асуудал / Улсын бүртгэгч Ч.Батдэлгэр/, Үнэт цаасны тайлан гаргахад анхаарах асуудал /Санхүү төлөвлөлтийн газрын нягтлан бодогч Ц.Ганчимэг/ , Хуулийн этгээд, түүний салбар, төлөөлөгчийн газрын улсын бүртгэл хөтлөхөд анхаарах асуудал /УБЕГ-ын ХЭУБГ-ын Улсын ахлах бүртгэгч Б.Лхагвасүрэн/, Тамга, тэмдэг хийлгэх үйл ажиллагаанд хяналт тавих, лавлагаа олгоход анхаарах асуудал /Улсын бүртгэгч Д.Гангамөрөн/, Хувийн хэрэг хөтлөх, хуулийн этгээдийн хувийн хэргийн баяжилт хийхэд анхаарах асуудал /УБЕГ-ын УБНА-ын ахлах Г.Хүчитбаатар/ нар тус тус мэдээлэл хийж, оролцогчдын сонирхсон асуултад дэлгэрэнгүй тайлбар хийсэн бол Хуулийн этгээдийн бүртгэлийн ERS системийн дадлагын сургалтыг төслийн менежер Б.Урангэрэл, Улсын бүртгэгч Г.Санжаа, МСПХХ-ийн программ зохиогч Ш.Доржбат нар зохион байгууллаа.
Үүний дараа УБЕГ-ын Хуулийн этгээдийн улсын бүртгэлийн газрын дарга Ж.Аюуш “Хуулийн этгээдийн улсын бүртгэгч нарыг мэргэшүүлэх сургалт ”-ыг хааж, үг хэлэв. Тэрбээр хэлсэн үгэндээ, “2019 оны 10 дугаар сарын 05-06-ны өдрүүдэд Улаанбаатар хотод зохион байгуулагдсан уг сургалтад УБЕГ-ын ХЭУБГ-ын ахлах мэргэжилтэн, мэргэжилтэн, улсын ахлах бүртгэгч, улсын бүртгэгч, Аймаг, нийслэлийн Багануур дүүрэг дэх Улсын бүртгэлийн хэлтсийн улсын бүртгэгч нийт 50 гаруй албан хаагч хамрагдлаа. Энэ сургалт албан хаагч нарт хуулийн этгээдийн эцсийн өмчлөгчийг тогтоох, хуулийн этгээдийн үйл ажиллагааны чиглэлийг улсын бүртгэлд бүртгэхэд юуг анхаарах, хуулийн этгээдийн улсын бүртгэлийн тухай хууль тогтоомжийг хэрэгжүүлэхэд гарч байгаа зөрүүтэй ойлголтуудыг нэг мөр болгон мөрдөх, төрийн албан хаагчийн ёс зүйн дүрмийг мөрдөх, шинэчилсэн программыг үйл ажиллагаандаа нэвтрүүлэхэд чиглэсэн үр дүнтэй, зохион байгуулалттай боллоо” гэв.
Ийнхүү хоёр өдөр зохион байгуулагдсан “Хуулийн этгээдийн улсын бүртгэгч нарыг мэргэшүүлэх сургалт ” амжилттай өндөрлөж, хоёр өдрийн арга хэмжээний фото мэдээг танилцуулж байна.
