Тус газар Монголын хөдөлмөрийн аюулгүй ажиллагаа, эрүүл ахуйн менежментийн хүрээлэнтэй хамтран “Оффисын ажилтны хөдөлмөрийн аюулгүй байдал, эрүүл ахуй” сэдэвт танхимын болон онлайн сургалтыг энэ сарын 29-ний өдөр зохион байгууллаа. Сургалтын үеэр тус хүрээлэнгийн багш Д.Батбаатар хөдөлмөрийн аюулгүй байдал, эрүүл ахуйн тухай хуулийн хэрэгжилтийг ханган ажиллах, аюулаас хэрхэн урьдчилан сэргийлэх, техник хэрэгсэлтэй яаж харьцах талаар мэдээлэл хүргэж, албан хаагчдын сонирхсон асуултад хариулт өгөв.
Танхимын сургалтад 11 нэгжийн 38 албан хаагч хамрагдсан бол онлайн сургалтад аймаг, нийслэлийн Улсын бүртгэлийн хэлтсийн нийт 100 орчим албан хаагч хамрагдлаа.