Хууль зүй, дотоод хэргийн салбарын үйлдвэрийн газруудын бүтээгдэхүүний үзэсгэлэн боллоо

Монгол Улсын Засгийн газрын тогтоол, хуралдааны тэмдэглэлд үндэсний үйлдвэрлэлийг дэмжиж, дотоодын үйлдвэрлэлийг нэмэгдүүлэх бодлого хэрэгжүүлэхээр заасан байдаг. Үүний дагуу Хууль зүй, дотоод хэргийн салбарын улсын төсөвт, төрийн өмчит аж ахуйн тооцоот үйлдвэрийн газруудын бүтээгдэхүүний үзэсгэлэнг 2019 оны 01 дүгээр сарын 25-ны өдөр Монголын үндэсний худалдаа аж үйлдвэрийн танхимд 3 дахь жилдээ амжилттай зохион байгуулагдлаа. Үзэсгэлэнгийн нээлтэд Хууль зүй, дотоод хэргийн яамны Төрийн нарийн бичгийн дарга Г.Билгүүн, яам болон түүний харьяа агентлаг, байгууллагуудын дарга, удирдлагууд оролцлоо.  Монгол Улсын Засгийн газраас төсвийн хөрөнгийг хэмнэлттэй, үр ашигтай зарцуулах, салбарын үйлдвэрлэлийн үйл ажиллагааг дэмжих, үйлдвэрлэгчдийн бараа, ажил, үйлчилгээг тэргүүн ээлжид худалдан авах, төрийн болон орон нутгийн өмчит байгууллагыг үйлдвэрлэл эрхлэгчидтэй холбох зорилтыг тавин ажиллаж байна. Энэ удаагийн үзэсгэлэнгийн нэг онцлог нь улсын төсвийн хөрөнгөөр 2018 онд үйлдвэрийн тоног төхөөрөмжийг шинэчилж, үйлдвэрлэсэн шинэ бүтээгдэхүүн, шинэ технологийг танилцуулан, төрөөс иргэдэд үзүүлэх төрийн үйлчилгээг чирэгдэлгүй болгох цахимжуулах ажлын хүрээнд Хууль зүй, дотоод хэргийн салбарт нэвтрүүлсэн шинэ үйлчилгээг агентлаг, байгууллагууд чиглэл чиглэлээрээ танилцуулсан юм.

Үзэсгэлэнгийн үеэр улсын бүртгэлийн байгууллагаас 23 төрлийн лавлагаа цахим системээс иргэдэд олгосон бөгөөд 25, 45 насны иргэний үнэмлэхийн хугацааны сунгалт болон хаяж үрэгдүүлсэн иргэний үнэмлэхийн захиалгыг хүлээн авах үйлчилгээг үзүүллээ.

Мөн иргэдийн санал хүсэлтийг хүлээн авч, улсын бүртгэлийн үйлчилгээний талаар зөвлөгөө мэдээлэл хүргэж ажиллав. Түүнчлэн агентлаг байгууллагууд барилгын материал, тавилга, мал аж ахуй, газар тариалангийн үйлдвэрлэлийн бүтээгдэхүүн, гутал, хувцас, гар урлалын бүтээгдэхүүнээ олон нийтэд танилцуулан, сурталчлах, захиалан авах боломжийг бүрдүүлснээс гадна Төрийн тусгай алба хаагчдын нэгдсэн эмнэлэгээс ясны сийрэгжилт, биеийн найрлагын оношлогоо, эхо үзлэг хийх, Хууль зүйн туслалцааны төв хууль зүйн зөвлөгөө өгөх үйлчилгээг иргэдэд үнэ төлбөргүй үзүллээ 

Please publish modules in offcanvas position.