ОӨУБЕГ-ын Дэд даргын А/428 тушаалаар Дорнод, Сүхбаатар аймгийн Улсын бүртгэлийн хэлтэст, А/431 тушаалаар Сүхбаатар /НҮНТ-Оргил/, Чингэлтэй дүүргийн Бүртгэлийн хэлтсийн үйл ажиллагаанд “Хянан шалгаж, дэмжин туслах” үүрэг бүхий ажлын хэсэг хяналт шалгалтыг зохион байгуулав. Тус хяналт, шалгалтын зорилго нь хэлтсийн үйл ажиллагаа холбогдох хууль, дүрэм, журмын дагуу явагдаж байгаа эсэх, илэрсэн зөрчлийг арилгах, цаашид авах арга хэмжээний талаар санал, зөвлөмж өгч үйл ажиллагааг сайжруулахад дэмжлэг үзүүлэхэд оршино. Хяналт шалгалтыг гэр бүлийн байдлын 8 төрлийн бүртгэл, эд хөрөнгийн эрхийн бүртгэл, хөтлөлт, хуулийн этгээдийн бүртгэл, архив, мэдээллийн сангийн хадгалалт хамгаалалт, хэлтсийн дотоод болон санхүүгийн үйл ажиллагааны чиглэлээр хийж, зөвлөмж өгч ажилласан. Мөн нийт хэлтсийн алба хаагчдаас түвшин тогтоох шалгалт авч, иргэн, эд хөрөнгийн эрхийн бүртгэл, төрийн албаны ёс зүйн чиглэлээр сургалт зохион байгууллаа.