Эд хөрөнгийн эрхийн улсын бүртгэлтэй холбоотой материал авахад иргэд 1-3 хоног хүлээх тохиолдол гардаг байсан. Тэгвэл цаасан архивууд цахим системд шилжиснээр иргэд өөрт хэрэгтэй бичиг баримтаа шууд авах боломж бүрдэж байна. МУ-ын засгийн газраас Дэлхийн банкны хөнгөлөлттэй зээлийн хөрөнгөөр Ухаалаг засаг төслийг хэрэгжүүлж байгаа. Энэ хүрээнд Эд хөрөнгийн эрхийн улсын бүртгэлийн цахим системийг нэвтрүүлэх дэд төслийг хэрэгжүүлсэн юм. Төслийн хүрээнд цахимжаагүй үлдсэн 11 аймгийн эд хөрөнгийн эрхийн улсын бүртгэлийн цаасан нотлох эх баримтыг бүрэн цахимжууллаа. Иргэдэд чирэгдэл үүсдэг зарим асуудал арилах боломж бүрдэж байна. Мөн энэ нь бизнес эрхлэгчдийн үйл ажиллагааг дэмжихэд чухал ач холбогдолтой гэж бид үзэж байна. Өмнө нь 2008-2013 онд нийслэл болон 8 аймгийн цаасан архивыг цахимжуулаад байсан. Тэгвэл энэ удаад 11 аймгийг бүрэн цахимжуулжээ.

www.tv5.mn