Байгууллагын хүний нөөцийн чадавхийг нэмэгдүүлэх ажлын хүрээнд Хяналт шалгалтын газраас зохион байгуулсан төв орон нутаг, дүүргийн хяналтын улсын байцаагч нарт зориулсан онлайн сургалт боллоо.

Улсын бүртгэлийн багц хууль шинэчлэгдсэнтэй холбогдуулан тус хуульд хяналтын улсын байцаагчийн үйл ажиллагаатай холбоотой шинээр болон нэмэлт, өөрчлөлт орсон зарим зүйл заалтыг сурталчлан таниулах, хуулийн хэрэгжилтийг үйл ажиллагаандаа нэг мөр хэрэгжүүлэхэд анхаарах асуудал, эрх зүйн зохицуулалт хийгээд хяналтын улсын байцаагч нараас үйлдэж буй баримт бичигт үндэслэл болгож буй хууль тогтоомжийн заалтыг зөв хэрэглэх талаарх танилцуулга, мэдээллийг тус сургалтаар хүргэлээ. Дээрх сургалтад 21 аймаг, 9 дүүрэг, нийслэлийн нэг цэгийн төвүүд болон НУБГ-ын хяналтын улсын /ахлах/ байцаагч нийт 33 нэгжийн 35 орчим албан хаагч хамргадлаа.