Хан-Уул дүүргийн Улсын бүртгэлийн хэлтсээс энэ сарын 17-ны өдөр тус дүүргийн Засаг даргын Тамгын газар, Нийгмийн даатгалын хэлтэс, Цагдаагийн I, II хэлтэс, Улаан Загалмайн нийгэмлэгтэй хамтран “Гэртээ харих зам” хөтөлбөрийг хэрэгжүүлэх ажлын хүрээнд нийгмийн халамжийн дэмжлэг туслалцаа зайлшгүй шаардлагатай зорилтот бүлгийн тэнэмэл иргэдийг бүртгэлжүүлэх, эрүүл мэндийн үзлэгт хамруулах ажлыг зохион байгууллаа.

Уг арга хэмжээний үеэр хогийн цэг дээр амьдардаг, архины хамааралтай болсон, орон гэргүй зэрэг нийгмийн эмзэг бүлгийн 70 гаруй иргэдийг иргэний бичиг баримтын үзлэгт хамруулав. Эдгээр иргэдээс огт бичиг баримтгүй 2, 45 насны сунгалт хийлгээгүй 4, 25 насны сунгалт хийлгээгүй 1, төрсний гэрчилгээ үрэгдүүлсэн 2 хүүхэд, иргэний үнэмлэхээ үрэгдүүлсэн 7, бусад шалтгаантай 9, нийт 25 иргэн бичиг баримтын зөрчилтэй байсныг илрүүлэн зөрчлийг арилгаж, дүүргийн Засаг даргын нөөц хөрөнгөөс холбогдох зардлыг гаргуулан авч, иргэний үнэмлэх, төрсний гэрчилгээ олгох ажлыг шуурхай зохион байгуулав.