Улсын бүртгэлийн ерөнхий газар нь Азийн хөгжлийн банкны (АХБ) техникийн туслалцааны дэмжлэгтэйгээр “Нийгмийн үйлчилгээний хүртээмжийг сайжруулах зорилгоор бүртгэлийн системийг боловсронгуй болгох” ТА-9372 МОН (51135-001) төслийг 2017-2020 онд хэрэгжүүлж байна.

Энэхүү төсөл нь улсын бүртгэлийн үйлчилгээний хүртээмжийг сайжруулах, шинэчлэн батлагдсан хууль тогтоомжийн хэрэгжилтэд дэмжлэг үзүүлэх, бүртгэлийн үйлчилгээг хялбарчлах, алслагдсан сум, хороодыг бүртгэлийн нэгдсэн системд холбох, иргэний бүртгэлийн цахим үйлчилгээг олон нийтэд түгээх, бүртгэлийн нэгдсэн санг хөгжүүлэх, сайжруулах, чадавхыг бэхжүүлэх зорилготой. Төслийн хүрээнд Иргэний улсын бүртгэлийн онлайн болон офлайн програм хангамжийг шинэчлэн хөгжүүлэх зөвлөх үйлчилгээ үзүүлэх компанийг сонгон шалгаруулах тендер АХБ-ны систем дээр зарлагдсан тул мэдээлэл технологийн чиглэлээр үйл ажиллагаа эрхэлдэг сонирхсон компаниудыг энэхүү тендерт оролцохыг урьж байна. Ажлын даалгавар, тавигдах шаардлага, холбогдох мэдээллийг дараах цахим хаягаас авна уу. Материал хүлээн авах эцсийн хугацаа: 2018 оны 10-р сарын 20-ны өдөр.

Жич: Сонгон шалгаруулалтыг Азийн хөгжлийн банкнаас АХБ-ын Худалдан авах ажиллагааны журам (2017)-ын дагуу зохион байгуулна.

Хаяг: “Нийгмийн үйлчилгээний хүртээмжийг сайжруулах зорилгоор бүртгэлийн системийг боловсронгуй болгох” төсөл Улсын бүртгэлийн ерөнхий газар, 214 тоот И-мэйл хаяг: This email address is being protected from spambots. You need JavaScript enabled to view it. Утас: 99150609