Оюуны өмч, улсын бүртгэлийн байгууллагын санхүүгийн албан хаагчдын ур чадвар, хууль эрх зүйн мэдлэгийг нэмэгдүүлэх, нягтлан бодох бүртгэлийн тулгамдаж байгаа асуудлын талаар нэг мөр ойлголт өгөх зорилгоор 2018 оны 01 сарын 10-наас 12-ны өдрүүдэд Оюуны өмч, улсын бүртгэлийн ерөнхий газар болон нийслэл, 21 аймгийн Улсын бүртгэлийн хэлтсийн ахлах нягтлан бодогч нарт сургалт зохион байгуулж байна.

Сургалтаар түвшин тогтоох шалгалт авч, ОӨУБЕГ-ын санхүүгийн үйл ажиллагаа, цаашид анхаарах асуудлууд, Санхүүгийн дотоод хяналтын чиглэлээр анхаарах асуудлууд, 2016 оны жилийн эцсийн санхүүгийн аудитын тайлангаар гарсан төлбөрийн акт, албан шаардлага, зөвлөмжийн биелэлт, Санхүүгийн тайлан гаргахад Сангийн яамнаас баримталж байгаа бодлого, Төрийн сангийн төлбөр тооцоонд тавих хяналт, Санхүү, төсвийн гүйцэтгэлийн тайлан гаргахад анхаарах асуудал зэргийг хэлэлцэж байгаа юм.