Сүүлийн үед цахим сүлжээгээр ОӨУБЕГ-ын дарга Р.Содхүү 2017 оны 7 дугаар сард гарсан Батсүмбэрийн түймрээр далимдуулж албан хаагчдаасаа 26 сая төгрөгийг хандив нэрийдлээр авч хувьдаа завшсан гэсэн буруу ташаа мэдээлэл гарах болсон. Тухайн үед төрийн байгууллагууд сайн дураараа гал түймэрт нэг өдрийн цалингаа хандивлах уриа гарч байсан. Үүний дагуу оюуны өмч, улсын бүртгэлийн байгууллага нэгдэж, 7 дугаар сарын 25-наас хойш өнөөдрийг хүртэл тус газрын 12 нэгж салбар нийт 21 сая төгрөгийг ОБЕГ-т хандивласан. ОӨУБЕГ-ын түвшинд ямар ч хандивын мөнгө төвлөрүүлээгүй болно.

ОНЦГОЙ БАЙДЛЫН ЕРӨНХИЙ ГАЗАРТ ӨГСӨН ХАНДИВЫН ТООЦОО

1. Баянхонгор аймгийн УБХ-ээс 1.381.183 төгрөгийг ХЗДХЯ-ны нэмэлт дансанд 

2. Сүхбаатар аймгийн УБХ-ээс 678.335 төгрөгийг ХЗДХЯ-ны нэмэлт дансанд 

3. Говьсүмбэр аймгийн УБХ-ээс 390.000 төгрөгийг Аймгийн онцгой байдлын газарт

4. Дорнод аймгийн УБХ-ээс 709.578 төгрөгийг Аймгийн онцгой байдлын газарт

5. Баян-Өлгий аймгийн УБХ-ээс 165.000 төгрөгийг Аймгийн онцгой байдлын газарт

6. Увс аймгийн УБХ-ээс 1.041.400 төгрөгийг Онцгой байдлын ерөнхий газарт

7. Хэнтий аймгийн УБХ-ээс 70.000 төгрөгийг Аймгийн онцгой байдлын газарт

8. Төв аймгийн УБХ-ээс 250.000 төгрөгийг Аймгийн онцгой байдлын газарт

9. Дорноговь аймгийн УБХ-ээс 300.000 төгрөгийг Аймгийн онцгой байдлын газарт

10. Сэлэнгэ аймгийн УБХ-ээс 940.000 төгрөгийг Аймгийн онцгой байдлын газарт

11. Нийслэлийн УБХ-ээс 9.283.202 төгрөгийг Онцгой байдлын ерөнхий газарт

12. ОӨУБЕГ-аас 5.770.893 төгрөгийг ХЗДХЯ-ны нэмэлт дансанд хийсэн. Нийт 20.979.591 төгрөгийг ОБЕГ-т хандивласан.