Тулгар төрийн 2226, Их Монгол Улсын 811, Үндэсний их баяр наадам, Ардын хувьсгалын 96 жилийн ойг тохиолдуулан Монгол Улсын Ерөнхийлөгчийн 2017 оны 07 дугаар сарын 06-ны өдрийн 170 дугаар зарлигаар Хууль зүй, дотоод хэргийн салбарт эрхэлсэн ажилдаа идэвх зүтгэл, үр бүтээлтэй ажиллаж байгаа Оюуны өмч, улсын бүртгэлийн ерөнхий газрын таван албан хаагчийг төрийн дээд цол, одон медалиар шагналаа. Шагналыг Хууль зүй, дотоод хэргийн сайд С.Бямбацогт гардуулав. 

Хөдөлмөрийн гавьяаны улаан тугийн одонгоор ОӨУБЕГ-ын Иргэний бүртгэлийн газрын дарга Д.Энхцэцэг, “Алтан гадас одон”-гоор тус газрын Мэдээлэл, сурталчилгааны хэлтсийн дарга Т.Хулан, Сүхбаатар аймгийн улсын бүртгэлийн хэлтсийн дарга Ц.Энх-Амгалан, Хөдөлмөрийн хүндэт медалиар Хүний нөөц, сургалтын хэлтсийн ахлах мэргэжилтэн Л.Өнөртуяа, Хяналтын улсын ахлах байцаагч Б.Ганзориг нар тус тус шагнуулав. Мөн Сонгуулийн Ерөнхий хорооны шагналаар Оюуны өмч улсын бүртгэлийн газрын долоон албан хаагч шагнууллаа.