Оюуны өмч, улсын бүртгэлийн ерөнхий газраас Их Монгол Улс байгуулагдсаны 811, Ардын хувьсгалын 96 жилийн ойн баярыг тохиолдуулан эрхэлсэн ажилдаа идэвх зүтгэл гарган үр бүтээлтэй ажиллаж байгаа 37 албан хаагчийг “Хүндэт өргөмжлөл”, “Жуух бичиг”, мөнгөн шагналаар тус тус шагнаж, урамшууллаа.

Мөн Хууль зүй, дотоод хэргийн яамны “Жуух бичиг”, Хууль зүйн салбарын тэргүүний ажилтан, Улсын бүртгэлийн тэргүүний ажилтан тэмдгээр  35 албан хаагчийг тус тус шагнав. Шагналыг ОӨУБЕГ-ын дарга Р.Содхүү гардуулан баяр хүргэж, ажлын амжилт хүслээ.