Дэлхийн Оюуны өмчийн байгууллага, ОӨУБЕГ хамтран, Япон Улсын Засгийн газрын харьяа Соёлын асуудал эрхэлсэн агентлагын дэмжлэгтэйгээр “Эдийн Засаг болон Соёлын хөгжилд Зохиогчийн эрх болон түүнд хамаарах эрхийн гүйцэтгэх үүрэг сэдэвт үндэсний семинар”-ыг энэ сарын 5, 6-ны өдөр зохион байгуулж байна.

 Тус семинарт цахим хэвлэл мэдээллийн салбарын хуульч, бизнесийн зөвлөх Брайн Николас Гарнет, Япон Улсын Соёлын асуудал эрхэлсэн агентлагийн харьяа Зохиогчийн эрхийн газрын олон улсын харилцааны хэлтсийн дэд дарга  Акихико Нода, ДОӨБ-ын Зохиогчийн эрхийн хөгжлийн хэлтэст холбооны гишүүн албан хаагч Юри Катоб болон соёл урлагийн байгууллага, урлагийн бүтээл ашиглагч байгууллагуудын төлөөлөл оролцож байна. Үндэсний семинарын хүрээнд “Тоон систем ба технологийн орчин дахь  Зохиогчийн эрх болон түүнд хамаарах  эрхийн ойлголт, үзэл баритмлал” сэдвээр  Брайн Николас Гарнет, “Монгол Улсын Зохиогчийн эрхийн өнөөгийн нөхцөл байдал” ОӨУБЕГ-ын  Зохиогчийн   эрхийн газрын дарга Э.Мягмардорж, “Бээжингийн гэрээн дэх олон улсын тогтолцооны Зохиогчийн эрх болон Хамаарах эрхийн шинэ хөгжил дэвшил” сэвдээр илтгэгч Юри Като, “Зохиогчийн эрх болон түүнд хамаарах  эрхээр дамжуулан бүтээлч байдлыг дэмжих үндэсний бодлого, стратеги: Тухайн орны туршлага” Илтгэгч:  Акихико Нода нар тус тус мэдээлэл өгч, санал солилцох юм.