Оюуны өмч, улсын бүртгэлийн байгууллагын мэдлэг, чадвар бүхий хүний нөөцийг бүрдүүлэх зорилгоор  “Улсын бүртгэгч бэлтгэх сургалт”-ыг  05 дугаар сарын  22- 26-ны өдрүүдэд зохион байгуулав.

Тус сургалтын зорилго нь  улсын бүртгэгчээр томилогдохоор судлагдаж буй иргэнд улсын бүртгэлийн хууль тогтоомж, дүрэм журам, төрийн албан хаагчийн болон улсын бүртгэлийн байгууллагын албан хаагчийн ёс зүйн хэм хэмжээ, иргэний болон эд хөрөнгийн эрхийн, хуулийн этгээдийн улсын бүртгэлийн чиглэлээр онол, дадлага, бүртгэлийн цахим системийн мэдлэг олгоход оршиж байгаа юм. Сургалтын хүрээнд Хуулийн этгээдийн бүртгэл, түүний төрөл, анхаарах асуудлууд, Хуулийн этгээдийн бүртгэлийн үйл ажиллагаанд мөрдөгдөх эрх зүйн актууд, Иргэний баримтын архивын талаарх ойлголт, Улсын бүртгэлийн байгууллагын стандарт, улсын бүртгэлийн байгууллагын ажилтны ёс зүй, Онлайн, офлайн, аффис системийн ашиглалт, Иргэний бүртгэлийн үйл ажиллагаанд мөрдөгдөх эрх зүйн актууд, Оюуны өмчийн эрхийн хамгаалалт болон холбогдох бусад хуулийн талаарх дэлгэрэнгүй танилцуулж, мэдээлэл өгсөн. Энэхүү сургалтанд ерөнхий газар, нийслэл, дүүргийн 20 гаруй албан хаагч хамрагдаж, сертификат гардан авлаа.