Оюуны өмч,улсын бүртгэлийн ерөнхий газар,  БНСУ-ын Соёл, спорт, аялал жуулчлалын яамны харьяа Зохиогчийн эрхийн комисстой хамтран ажиллах санамж бичигт гарын үсэг зурлаа.

Хамтран ажиллах санамж бичигт гарын үсэг зурах ёслолд ОӨУБЕГ-ын дарга Р.Содхүү, БНСУ-ын Соёл, спорт, аялал жуулчлалын яамны харьяа Зохиогчийн эрхийн бодлогын товчооны ерөнхий захирал Парк Тэён, орлогч захирал Ким Сангёл болон албаны бусад төлөөлөгчид оролцлоо. Санамж бичигт гарын үсэг зурсанаар тус улсын нутаг дэвсгэр дээр Зохиогчийн эрхээр хамгаалагдсан бүтээлийг дэмжих, зохиогчийн эрхийн хамгаалалтыг сайжруулах, онлайн зохиогчийн эрхийн зөрчлөөс урьдчилан сэргийлэх, боловсон хүчин солилцох тал дээр хамтран ажиллах юм.