Оюуны өмчийн эрхийг хамгаалах өдрийг тохиолдуулан ОӨУБЕГ-аас санаачлан Хан-Уул дүүргийн ИТХ-ын төлөөлөгчид, Тамгын газрын худалдаа үйлчилгээний хэлтэс, Мэргэжлийн хяналтын хэлтэс, Цагдаагийн хэлтэс, Хороодын Засаг дарга нар, Улсын бүртгэлийн хэлтсийн албан хаагчдад “Оюуны өмчийн эрхийн хамгаалалт” сэдэвт сургалтыг энэ сарын 13-ны өдөр  зохион байгуулав. 

Сургалтын зорилго нь төрийн байгууллагын албан хаагчдад Оюуны өмчийн асуудлаар мэдээлэл өгөх, оюуны өмчийн ач холбогдлыг таниулан сурталчлах, оюуны өмчийн эрхийн хамгаалалтыг хэрхэн хийлгэх талаарх мэдээллийг өгөх байв. Сургалтаар  “Зохиогчийн эрх” сэдвээр Зохиогчийн эрхийн газрын ахлах шинжээч Н.Тэмүүлэн, “Шинэ бүтээл, ашигтай загвар, ерөнхий  ойлголт, тавигдах шаардлага” сэдвээр Шинэ бүтээлийн шинжээч Б.Одгэрэл, “Барааны тэмдэг, ерөнхий ойлголть тавигдах шаардлага сэдвээр  шинжээч Л.Гэрэлмаа, “Бүтээгдэхүүний загвар ерөнхий ойлгот, тавигдах шаардлага”сэдвээр шинжээч О.Оюунгэрэл нар тус тус мэдээлэл өгч, албан хаагчдын сонирхсон асуултанд хариулт өглөө.