Оюуны өмч, улсын бүртгэлийн ерөнхий газар Архивын Ерөнхий газрын Мэргэжил, арга зүйн удирдлагын газартай хамтран “Албан хэрэг хөтлөлтийн стандарт” сэдэвт сургалтыг 2017.03.21, 28-ны өдөр зохион байгууллаа.

Уг сургалтын зорилго нь Оюуны өмч, улсын бүртгэлийн ерөнхий газрын үйл ажиллагаанд хөтлөгдөж буй албан баримт бичгийн агуулга, бүтэц, хэв загварт батлагдсан стандартыг баримтлах, баримт бичигтэй ажиллах ажлын арга, хэлбэрийг боловсронгуй болгож, баримт бичгийн эмх цэгц, бүрдэл, хадгалалт, ашиглалтыг сайжруулахад байгаа юм. Тус сургалтаар төрийн албан хэрэг хөтлөлтийн үндсэн заавар, баримт бичгийн бүрдэл тэдгээрт тавигдах шаардлагын талаар шаардлагатай  мэдээллийг өгсөн. Сургалтад ОӨУБЕГ-ын нийт 55 албан  хаагч хамрагдав.