АНУ-ын Хууль зүйн яамны Хонг Конг дахь Оюуны өмчийн Хуулийн хэрэгжилтийн координатор (IPLEC), АНУ-ын Дотоод аюулгүй байдлын албаны Хонг Конг, Макао, Тайванийг хариуцсан Цагаачлал, Гаалийн хуулийн Атташе болон Хонг Конгийн Гааль, Онцгой албан татварын алба хамтран 2017 оны 03 дугаар сарын 7-10-ны өдрүүдэд “Азийн бүсийн Оюуны өмчийн эрхийн талаарх Эрүүгийн хуулийн хэрэгжилт” семинарыг зохион байгууллаа.
Уг семинарт Азийн 15 орны 50 гаруй төлөөлөгчид оролцсон бөгөөд Монгол Улсыг төлөөлөн ЦЕГ, ПЕГ, ОӨУБЕГ-ын төлөөлөгчид оролцсон. Тус газраас Хяналтын газрын дарга Ч.Эрдэнэчимэг уг семинарт оролцсон юм. Энэхүү семинарын гол зорилго нь оролцогч орнуудын барааны тэмдэгийг хуурамчаар үйлдэх, зохиогчийн эрхийг зөрчих мөн худалдааны нууцыг хулгайлах гэмт хэргийн эсрэг эрүүгийн хуулийн хэрэгжилтийг сайжруулах, боловсронгуй болгох хүчин чармайлтыг дэмжихэд чиглэж байгаа юм.
