Оюуны өмч, улсын бүртгэлийн ерөнхий газрын Аж үйлдвэрийн өмчийн эрхийн газар, Дэлхийн оюуны өмчийн байгууллагатай хамтран “Патентийн хууль: Олон талт эрх зүйн хүрээнд хүлээсэн үүрэг ба түүнийг  үндэсний хэмжээнд хэрэгжүүлэх нь” сэдэвт үндэсний семинарыг 2017 оны 02 дугаар сарын 22-нд зохион байгууллаа.

Семинарт Оюуны өмчийн үйл ажиллагаатай холбоотой хувийн болон төрийн байгууллагуудаас уригдан нийтдээ 40 гаруй төлөөлөл оролцлоо. Тус сургалт, семинараар мэдлэгт тулгуурласан эдийн засгийн хөгжлийг хангахад оюуны өмч нь чухал үүрэгтэй бөгөөд ялангуяа хууль эрх зүйн талаас ямар тогтолцоо, зохицуулалт байгаа,  энэхүү тогтолцоо нь нийтэд хамаарах бусад бодлоготой хэрхэн холбогдох талаар Монгол улсад патент хамгаалагдахтай холбоотой зарим бэрхшээлүүдийг авч хэлэлцлээ. 

Мөн Дэлхийн оюуны өмчийн байгууллагаас уригдан ирсэн ДОӨБ-ын Бодлого ба хууль тогтоомжийн зөвлөмжийн газрын Патентийн хуулийн хэлтсийн ажилтан хатагтай Жулиа Рагонези 

• Патентийн тогтолцоо ба ДОӨБ-ын үйл ажиллагаа

• Патентийн тогтолцоо нь нийтэд хамаарах бусад бодлоготой холбогдох нь

• Патентлагдах зүйл, олон талт гэрээний хувьд хүлээсэн үүрэг болон ашиглаж болох хөнгөлөлтүүд

• Патентийн эрх ба түүнд хамаараахгүй зүйл болон хязгаарлалтууд

• Ашигтай загварын хамгаалалтын тогтолцоо

зэрэг сэдвүүдээр илтгэл тавьж семинарт оролцогчдод хамгийн сүүлийн үеийн мэдлэг, мэдээллүүдийг хүргэлээ.

.