Оюуны өмч, улсын бүртгэлийн ерөнхий газрын дарга Р.Содхүү, Тамгын газрын дарга Б.Бадамцэцэг болон албаны бусад төлөөлөл АНУ-аас Монгол Улсад суугаа Онц бөгөөд бүрэн эрхт Элчин сайд хатагтай Женнифер Зимдал Галт, Худалдааны ахлах мэргэжилтэн Майкл Ричмонд нарыг хүлээн авч уулзлаа.

Уулзалтаар оюуны өмчийн эрхийг хамгаалах, олон нийтэд таниулах болон эрхийн хэрэгжилтийг хангах, АНУ-ын улсын бүртгэл, тэр дундаа хуулийн этгээдийн бүртгэл, эд хөрөнгийн бүртгэл, иргэний бүртгэлийн тогтолцоо, туршлагыг судлах, мөн ижил төрлийн байгууллагатай хамтран ажиллах зэрэг асуудлаар санал солилцов.

Мөн оюуны өмчийн эрхийг хамгаалалтыг хөгжүүлэх хамтын ажиллагааны хүрээнд ойрын хугацаанд Санамж бичиг байгуулан, 2017 онд хэрэгжүүлэх үйл ажиллагааны төлөвлөгөөг боловсруулах ажлын хэсэг гаргахаар боллоо.