Оюуны өмч, Улсын бүртгэлийн ерөнхий газар болон Голомт банк хооронд харилцан ойлголцлын санамж бичгийг 2017 оны 2 дугаар сарын 01-ны өдөр байгуулав. Санамж бичгийг ОӨУБЕГ-ын дарга Р.Содхүү, Голомт банкны ерөнхийлөгч Г.Ганболд нар үзэглэлээ.

Ингэснээр “Нэг иргэн, Нэг бүртгэл” хөтөлбөрийн хүрээнд бүртгэлийн тогтолцоог үе шаттай төгөлдөржүүлэх болон цахим бизнес, онлайн банкны үйлчилгээг жигд, тэгш авах нөхцлийг бүрдүүлэх зорилгоор цахим хэлбэрийн төлбөр төлөх үйлчилгээг нэвтрүүлэх юм. 

Тодруулбал, төлбөрийн үйлчилгээг хялбарчлан Карт уншигч машин суурилуулах, бүртгэлийн системтэй холбох, Онлайн төлбөрийн системтэй болно. Дээрх үйлчилгээг эхний ээлжинд 6 сарын хугацаанд туршилтаар ашиглах бөгөөд цаашид бүртгэлийн бүх үйлчилгээ болон 21 аймаг, 9 дүүрэгт нэвтрүүлэх юм.