“Эрх зүйн шинэчлэл –иргэний эрхийн баталгаа“ сарын аяны хүрээнд  Нийслэлийн 9 дүүргийн Улсын бүртгэлийн хэлтэс, ОӨУБЕГ-ын Үйлчилгээний 1, 2, 3-р байруудад “Нээлттэй өдөрлөг”-ийг  өнөөдөр зохион байгууллаа.

Тус өдөрлөгийн хүрээнд зарим бүртгэлийн үйлчилгээг өдөрт нь шийдвэрлэн ажилласан. Тодруулбал: 

Иргэний бүртгэлийн чиглэлээр:

• Иргэний улсын бүртгэлийн талаар иргэдэд  мэдээлэл зөвөлгөөг өгөх
• Гадаадад зорчих эрхийн бүртгэлийн сунгалтын үйлчилгээ өдөрт 2 удаа хугацааг сунган олгож байсныг  3 удаа хугацааг сунгаж олгох
• Иргэний улсын бүртгэлийн засвар өөрчлөлт, нөхөн бүртгэлийн үйлчилгээг үйлчилгээний танхим тус бүрт гаргаж, иргэдэд бүртгэлийн үйлчилгээ үзүүлэх
• Иргэний улсын бүртгэлийн чиглэлээр зөвлөмж, материал бэлтгэн иргэдэд тараах

Хуулийн этгээдийн бүртгэлийн чиглэлээр: 

• Хуулийн этгээдтэй холбоотой зөвлөгөө мэдээлэл өгөх
• Товхимол, гарын авлага тарааж мэдээлэл өгөх
• Шинээр үүсгэн байгуулсан ХХК, ТББ-ын материалаа бүрэн гүйцэт бүрдүүлэн ирсэн тохиолдолд өдөрт нь бүртгэх

Эд хөрөнгийн эрхийн бүртгэлийн чиглэлээр: 

• Бэлэглэл
• Худалдан авах
• Барьцааны гэрээ
• Арилжааны гэрээг тус тус Улсын бүртгэлд бүртгэх
• Эд хөрөнгийн лавлагааг өгөх 

Мөн зохиогчийн эрх, аж үйлдвэрийн өмчийн эрхийн чиглэлээр иргэд, олон нийтэд дэлгэрэнгүй мэдээлэл, зөвлөгөө өгч ажиллав. Өдөрлөгийн үеэр үйлчилгээний 1,2,3-р байр тус бүрт Голомт банкнаас үйлчилгээ үзүүлж, иргэдэд бүртгэлийн хураамжаа түргэн шуурхай төлөх боломжийг бүрдүүллээ.