Оюуны өмч, улсын бүртгэлийн ерөнхий газраас албан хаагчдынхаа эрүүл мэндийг хамгаалах, өвчлөлөөс урьдчилан сэргийлэх зорилгоор энэ сарын 28-ны өдөр цогц үзлэг, шинжилгээнд хамруулах ажлыг  зохион байгууллаа. 

 Тус үзлэг шинжилгээний хүрээнд эмэгтэйчүүдийн дунд өвчлөл өндөртэй байдаг умайн хүзүүний эсийн шинжилгээ  авч, урьдчилан сэргийлэх зөвлөгөө өгсөн.  Мөн  цусан дахь сахарын хэмжээ, биеийн найрлага тодорхойлох,  хөхний хавдрын үзлэг хийж, зөв хооллолтын талаарх дэлгэрэнгүй зөвлөгөөг өгсөн үр дүнтэй арга хэмжээ боллоо. 

Чингэлтэй дүүргийн Эрүүл мэндийн нэгдэлтэй хамтран зохион байгуулсан тус үзлэг, шинжилгээнд ерөнхий газрын 126 эмэгтэй албан хаагч хамрагдсан юм.