Оюуны өмч, улсын бүртгэлийн ерөнхий газар шинэ бүтцээр ажиллаж эхэлсэн 75 хоногийн хугацаанд хийсэн ажлаа олон нийтэд тайлагнаж, сурталчлах зорилгоор энэ сарын 26-ны өдөр Хэвлэлийн бага хурал зохион байгуулав. Хурлын эхэнд ОӨУБЕГ-ын дарга Р.Содхүү  Засгийн газрын 100 хоногийн хугацаанд бүртгэгдсэн бүртгэлийн сонирхолтой тоо мэдээг сэтгүүлчдэд дуулгасан. Мөн гадаад паспортын сунгалтын үйлчилгээг

нийслэлийн үйлчилгээний нэгдсэн төвүүдэд шилжүүлэх талаар болон цаашид хийж хэрэгжүүлэх  ажлын талаар сэтгүүлчдэд товч мэдээлэл өгсөн. Мөн ОӨУБЕГ-ын удирдлага энэ сарын 26, 27-ны өдрүүдэд Нийслэлийн улсын бүртгэлийн газар болон Иргэний бүртгэл, Хуулийн этгээдийн бүртгэл, Эд хөрөнгийн эрхийн бүртгэл, Зохиогчийн эрх, Аж үйлдвэрийн өмчийн эрхийн газар, Архивын үйл ажиллагаатай газар дээр нь очиж танилцахаас гадна Засгийн газраас баримталж буй бодлого, цаашид авч хэрэгжүүлэх ажлын талаар газар, хэлтсийн дарга нарт холбогдох үүрэг чиглэл өглөө. Түүнчлэн 10 дугаар сарын 28-ны өдөр Хууль зүй, дотоод хэргийн яамнаас зохион байгуулсан хэвлэлийн бага хурлаар тус газраас Засгийн газрын 100 хоногийн хүрээнд хэрэгжүүлсэн ажлаа сэтгүүлчдэд тайлагнаж, олон нийтэд сурталчиллаа.