Хяналтын газраас Нийслэлийн Улсын бүртгэлийн газрын хорооны улсын бүртгэгч нарын дунд “Хорооноос үзүүлэх бүртгэлийн төрлүүд, хууль эрх зүйн онцлог, цаашид анхаарах асуудлууд” сэдвээр 2016 оны 9 дүгээр сарын 24-ний өдөр Улаанбаатар хотын Иргэний танхимд сургалт зохион байгуулав.

Сургалтад  Нийслэлийн 9 дүүргийн 147 хорооны улсын бүртгэгч оролцсон бөгөөд Хяналтын газрын чиг үүрэг, зорилго, эцэг тогтоосны, үрчлэлтийн, овог, эцгийн нэр, нэр өөрчилсний, засвар өөрчлөлтийн, шилжилт хөдөлгөөний бүртгэлийн онцлогын талаар хяналтын улсын ахлах байцаагч Ж.Чиймаа, төрсний, нас барсны бүртгэлийн онцлогийн талаар хяналтын улсын байцаагч Л.Батмөнх, гэрлэлтийн, гэрлэлт цуцалсны, гэрлэлт сэргээсний бүртгэлийн онцлогийн талаар хяналтын улсын байцаагч Н.Отгон-Эрдэнэ нар сургалтад оролцогчдод мэдээлэл хүргэлээ.

Сургалтын үеэр хорооны улсын бүртгэгч нараас асуусан асуултанд хариулт өгч, мэргэжил арга зүйн зөвлөгөө өгч ажиллав.