Техник, технологийн хөгжлийн нөлөөгөөр мэдээллийн хэрэгслийн цоо шинэ боломжууд төрөн гарч байгаа энэ үед Улсын бүртгэлийн ерөнхий газрын Мэдээлэл, технологийн газраас бүртгэлийн байгууллагын үйл ажиллагаа, үйлчилгээг иргэд олон нийтэд нээлттэй, чирэгдэлгүй хүргэх, тэдний санал бодлыг сонсох, мэдээлэл өгөх зорилго бүхий www.registrationmongolia.com сайтыг шинээр нээн ажиллуулж эхлээд байна. Иймд та бүхэн манай энэхүү сайтад өнөөдрөөс эхлэн зочилж иргэний бүртгэлийн үйлчилгээ, болон бусад асуудлаар санал сэтгэгдэл хүсэлт, мэдээллээ үлдээх боломж нээлттэй.

Мөн иргэний үнэмлэхээ хаясан, гээсэн тохиолдолд хаана хандаж хэрхэн ямар материал бүрдүүлэн яаж авах, бичиг баримтыг хэрхэн хадгалж эзэмших, бүртгэлтэй холбоотой бүх хууль, дүрэм, журам, үйлчилгээний үнэ тариф, шаардлагатай утасны дугаар, мөн бусдад бичиг баримтаа ашиглуулах, худалдахад ямар үр дагаварт хүргэдэг талаар зөвлөгөө, мэдээ мэдээллийг аваад зогсохгүй манай газрын бүхий л үйл ажиллагаа, үйлчилгээний талаар дэлгэрэнгүй мэдээ мэдэээлэл авах бүрэн боломжтой. Манай www.registrationmongolia.com сайт та бүхний хүссэн мэдээллээ олж авах дотны анд байх болно.