Үл хөдлөхийн гэрчилгээ бэлэн болсныг таны гар утсанд мессежээр мэдээлнэ

Эд хөрөнгийн эрхийн бүртгэлийн газар иргэдийн цаг завыг хөнгөвчилсөн шинэ үйлчилгээ нэвтрүүлж эхлээд байна. Энэхүү үйлчилгээ нь таны үл хөдлөхийн гэрчилгээ гарсныг гар утсанд тань мессежээр мэдээлнэ. Газар, хашаа, байшин орон сууцныхаа гэрчилгээг гарсан эсэхийг мэдэхийн тулд ажлын цагаа хасан байж тус газрыг зорьж улмаар уртаас урт дараалал үүсгэн бухимдаж зогссоны эцэст гэрчилгээгээ гарсан үгүйг мэддэг байсан . Тэгвэл одоо алтан цагаа алдаж наац цааш явах шаардлагагүй болж байгаа юм. Өөрөөр хэлбэл та бичиг баримтаа зохих журмын дагуу бүрдүүлж өгсөн байхад л хангалттай. Үүнээс гадна Эд хөрөнгийн эрхийн бүртгэлийн газарт таныг угтаж заавар, зөвлөгөө өгөх ресепшн ажиллаж байгаа.

Түүнчлэн touchscreen буюу мэдээллийн дэлгэцийг үйлчилгээний зааланд байрлуулж өгсөн нь иргэдийг чирэгдэлгүй, түргэн шуурхай үйлчилгээ авах боломж нөхцлийг хангаж буй үйлчилгээний нэг хэлбэр юм. Үйлчлүүлэгч та энэхүү мэдээллийн дэлгэцнээс эд хөрөнгийн эрхийн бүртгэлийн газрын үйлчилгээтэй холбоотой бүхий л мэдээ, мэдээллийг цогцоор нь харж, өөрт хэрэгтэй хүссэн мэдээллээ авах бүрэн боломжтой. Улсын бүртгэлийн ерөнхий газар, харьяа газруудын үйл ажиллагаа, үйлчилгээтэй холбоотой бүх төрлийн мэдээллийг 1890 лавлахаас энгийн утасны тарифаар авч болно.

Please publish modules in offcanvas position.